cropped-images-131.jpg

പ്രണയത്തെക്കുറിച്ചെഴുതുന്നത് കൊണ്ട് ഞാൻ പ്രണയിനി അല്ല..

വിരഹത്തെ കുറിച്ച് എഴുതുന്നതുകൊണ്ട് ഞാൻ നിരാശകാമുകിയുമല്ല..

വിശ്വാസത്തെക്കുറിച്ചെഴുതുന്ന കൊണ്ട് വിശ്വാസിയുമല്ല..
ഭക്തിയെ ചോദ്യം ചെയ്യുന്ന കൊണ്ട് നീരിശ്വരവാദിയുമല്ല..

സമൂഹത്തിൽ നടക്കുന്നതിനെക്കുറിച്ചെഴുതുന്ന കൊണ്ട് സാമൂഹ്യപ്രവർത്തകയുമല്ല..

പിന്നെ

ഞാൻ എന്താണ്..

എന്തിനാണ് എഴുതുന്നത്..

എന്നൊക്കെ ചോദിച്ചാൽ വാർദ്ധക്യവും നരയും പിടിച്ച് ഇരിക്കുമ്പോൾ ആർക്കും ശല്യമാവാതെ യൗവ്വനത്തിലെ എന്നെ വെറുതെ വിലയിരുത്താൻ.. ഇപ്പോൾ കുത്തിക്കുറിക്കുന്ന തത്വങ്ങൾ ഒക്കെ വായിച്ച് ചിരിക്കാൻ..

ഇത് ഞാൻ എനിക്കായ് തന്നെ നൽകുന്ന വാർദ്ധക്യ സമ്മാനം..😊

Quote

ഓരോരുത്തരെയും ആഗ്രഹിക്കുന്ന പോലെ ജീവിക്കാൻ അനുവദിക്കൂ..

ഒരു മനുഷ്യൻ എങ്ങനെയാണോ ആ രീതിയിൽ അവരെ സ്നേഹിക്കാനും കരുതാനും പിന്തുണ നല്കി ചേർത്ത് നിറുത്താനും മനസ്സ് ഉണ്ടായാൽ സമൂഹത്തിലെ പല പ്രശ്നങ്ങളും ഇല്ലാതെ പോയേനെ..

Quote

തിരഞ്ഞെടുക്കൽ

വിവാഹത്തിന് ശേഷം രണ്ട് രീതിയിൽ ജീവിതം മാറുന്ന ഒരുപാട് പേരെ നമ്മുക്ക് കാണാം.. ഒരു കൂട്ടർക്ക് തന്റെ സ്വപ്നങ്ങളെ തന്നെക്കാൾ അധികമായി സ്നേഹിച്ച് അതിന് വേണ്ട പിന്തുണ ലഭിച്ച് അവർ മുന്നേറുമ്പോൾ മറുവശത്ത് വിവാഹമെന്ന് കരാർ കൊണ്ട് ബന്ധിക്കപ്പെട്ട ഒരു കൂട്ടർ.. മറ്റുള്ളവരുടെ കണ്ണിൽ അവരും ജീവിക്കുന്നുണ്ട് ഉത്തമമായ സ്ത്രീയെന്ന പട്ടത്തിലൂടെ.. സംശയരോഗത്തിന്റെയും അവിശ്വാസത്തിന്റെയും ഇരുൾമൂടിയ ജീവിതത്തിൽ ആകെ സമ്പാദ്യം മക്കൾ ആയിരിക്കും.. പക്ഷേ കാലം തെളിയിക്കും ആ സമ്പാദ്യവും മൂല്യം ഇല്ലാത്തത് ആണെന്ന്.. ഈ ചെറിയ ജീവിതത്തിൽ കുറച്ച് സമയം നമ്മൾ നമ്മുക്കായ് നമ്മുടെ ഇഷ്ടത്തിനായ് വേർതിരിക്കുക.. ആദ്യമൊക്കെ എതിർപ്പുകളും കുനുകുന്നുപ്പും ഓക്കെയുണ്ടാവും അതൊക്കെയും കണ്ടില്ലെന്ന് നടിച്ച് മുന്നോട്ട് പോവുക.. വിജയം ഉണ്ടാവും..

വിവാഹം കഴിയാത്തവരോട് പറയാൻ ഒന്നേയുള്ളൂ.. ജീവിത പങ്കാളിയെ തിരഞ്ഞെടുക്കുമ്പോൾ ശ്രദ്ധിക്കണം.. കൂട്ടിലിട്ട് വളർത്താൻ ശ്രമിക്കുന്ന ഒരാൾ ആണെന്ന് തോന്നിയാൽ ആ ബന്ധം അവിടെ കൊണ്ട് നിർത്തി യാത്ര തുടരുക..

ജീവിതം ഒന്നേയുള്ളൂ അത് ആർക്കും അടിമയായി ആകരുത്.. ‍

Quote

കാലം

കാലം അങ്ങനെയാണ്… ഇന്ന്‌ നാം സ്നേഹിക്കുന്ന പലതിനെയും നാളെ ഭയത്തോടെ അല്ലേൽ വിരസതയോടെ നോക്കി കാണുന്ന അവസ്ഥയിൽ കൊണ്ട് എത്തിക്കും.

കാലം തിരിച്ച് ചോദിക്കാത്തതായ് ഒന്നുമില്ല ഈ ഭൂമിയിൽ.. ജീവനുൾപ്പടെ !!

Quote

Life is moving on but dreams..?

എന്റെ ജീവിതം ഇനിയും മുന്നോട്ട് സഞ്ചരിക്കാൻ തയ്യാറാവുകയാണ്. പുതിയ പലതും കൂട്ടായ്… നിഴലായി വരുമ്പോൾ ഇന്ന് വരെ കൂട്ടായിരുന്ന സ്വപ്നങ്ങൾ പടിയിറങ്ങുകയാണ്.. അവയെ ഇരുൾ മൂടി ഇനിയൊരു വെളിച്ചം കാണാത്തവണ്ണം..!!!!

Quote

പെൺ മനസ്

ഒരു പെണ്ണിന്റെ ശരീരം ഏതൊരാണിനും കീഴടക്കാം.. പക്ഷേ അവളുടെ മനസ്സ് കീഴടക്കാൻ കഴിയുന്നത് അവളെ കേട്ടിരിക്കാൻ കഴിയുന്ന അവൾക്കായ് അല്പനേരം കണ്ടെത്തുന്ന ഒരാളുടെ മുമ്പിൽ മാത്രമാണ്..!

Quote

👴👵

ഒരു പ്രായം കഴിഞ്ഞാൽ മക്കളുടെ എല്ലാം ആഗ്രഹം തന്റെ ആയുസ് കൂടെ തങ്ങളുടെ  മാതാപിതാക്കൾക്ക് ലഭിക്കണം എന്നാണ്..!

Quote

Social Media Life

നമ്മൾ ഒരാളെ ഒരുപാട് മിസ്സ് ചെയ്യുമ്പോൾ അവരുടെ പ്രൊഫൈൽ നോക്കും.. ഓൺലൈൻ കണ്ടാൽ ഓഫ് ലൈൻ ആവുന്ന വരെ പഴയ മെസ്സേജ് scroll ചെയ്ത് ഇരിക്കും. ഇത്രയും നേരം ഓൺലൈൻ ഉണ്ടായിരുന്നിട്ടും ഒരു മെസ്സേജ് പോലും അയച്ചില്ലല്ലോ അല്ലേൽ തന്നെ എനിക്ക് മെസ്സേജ് അയക്കാൻ ഞാൻ ആരാ അങ്ങനെ കുറച്ചു പരാതികൾ പ്രൊഫൈൽ പിക്കിൽ നോക്കി പറയും.. പിന്നെ സ്വയം സമാധാനിപ്പിക്കാൻ പറയും തിരക്ക് കൊണ്ട് ആവും.. ഫ്രീ ആയാൽ മെസ്സേജ് അയക്കും എന്നൊക്കെ.. ഇങ്ങനെ ഈ കാത്തിരിപ്പ് ഒരു ദിവസം ആയി മാസങ്ങൾ ആയി വർഷങ്ങൾ ആവും.. പക്ഷേ ഒരാൾ സ്വന്തം ജീവിതത്തിൽ എല്ലാ സന്തോഷവും അനുവദിക്കുമ്പോൾ മറുവശത്ത് ആ വ്യക്തിയുടെ മടങ്ങി വരവ് കാത്ത് ഓർമ്മകളിൽ ബന്ധിക്കപ്പെട്ട് ഒരു ജീവിതം എരിഞ്ഞു തീരും..

Quote

വരവിൽ

ചില വസ്ത്രങ്ങൾ ആഭരണങ്ങൾ അതൊക്കെ ചില വ്യക്തികൾ ധരിക്കുമ്പോൾ കാണാൻ എന്ത് ഭംഗിയാണ് അല്ലേ.. നമ്മൾ അറിയാതെ തന്നെ അവരെ നോക്കി നിന്ന് പോവാറുണ്ട്.. ഇത് തന്നെ വേറെയും പലരും ധരിച്ചിട്ടുണ്ടാവാം പക്ഷേ നമ്മൾ ശ്രദ്ധിച്ചിട്ടുണ്ടാവില്ല.. എന്തുകൊണ്ടെന്നാൽ അർഹിക്കുന്നവരുടെ കൈകളിൽ എത്തുമ്പോഴാണ് പലതിനും മാറ്റ് കൂടുന്നത്.. ഇതുപോലെ തന്നെയാണ് മനുഷ്യന്റെ കാര്യവും. അർഹിക്കുന്നവർ കടന്നു വന്ന് കഴിയുമ്പോൾ ഇപ്പോൾ നിറം മങ്ങിയ നമ്മുടെ ജീവിതവും ഏഴുവർണ്ണങ്ങളാൽ നിറയും. ഇന്നത്തെ ദുഃഖവും കണ്ണീരും ഒക്കെ ആ ഒരു തലോടലിൽ, ആ പുഞ്ചിരിയിൽ അലിഞ്ഞില്ലാതെ ആവും..!